Article 1
Tunlai kan khawvel dinhmun han thlir hian, inpumkhatna tha tak kan mamawh ngawih ngawih tih a lang chiang hle. Inpumkhatna tha a awm loh chuan Pawl, Chhungkua, Kohhran etc chu a keh chhe nghal a ni.
Inpumkhatna tha tak nei tur chuan eng te nge pawimawh a, eng te nge ngai ta le ? A pawimawh te zing a pakhat chu "Inngaihtlawmna" hi a ni. Inngaihtlawmna kan neih loh chuan englai mahin kan pawlah inpumkhatna tha kan nei ngai lo ang. Chapo tak, induh tak leh mi-itsikna nei ran chunga pawl kan kaihhruai a, pawl a kan tel anih chuan englai mahin inpumkhatna tha kan nei ngai lo ang. Inpumkhatna tha kan neihna tur anih dawn phawt chuan tlawm zawk a tan leh tlawm zawk nih i hreh lo ang u.
A dawt leh ah chuan tawngkam tha hi a ni kan ti thei ang. Entirnan thu ho te a kan ngaih "Khawngaih takin", "Min ngaidam rawh", "Ka lawm e" han tih te mai ringawt pawh hian mihring rilru sak leh rorum ber rilru pawh a khawih danglam thei a ni. Khawlai a han kal a, mi han tawh te hian "I dam em ?", "khawi ah nge ?" han tih te hian mihring in unauna, inpawhna tha tak min pe a ni. Tawngkam tha in sial a man tih kha hre reng in kan tawngkam te hi a hnu leh hmunah chuan ui lo ang u.
Johana 17:1-20 te kan chhiar chuan kan Lal Isuan min tawngtaisakna kan hmu. Keimahni tan a tawngtai anih kha, Kan inpumkhat theihna turin a Pa hnenah min dilsak a ni. Kristian, Pathian nung ringtute vek kan ni a, chuvangin kan Lal Isua'n min tawngtai sak na hi tih hlawhtling turin hian nang leh kei hi kan pawimawh a ni. He min tawngtai sakna hi tih hlawhtlin i tum theuh ang u. Hemi ti hlawhtling tur hian lian bik , te bik kan awm chuang lo. Nang leh kei hi kan pawimawh a ni tih hria in tan i la thar leh theuh ang u.
Heng lo pawh hi tam tak a awm thei ang, mahse kan ziak vek seng lo ang a, heng kan han sawi theih chhun tlemte te hi zawm theuh ila, tichuan INPUMKHATNA THA chu kan lo nei thei mai dawn a ni.
Article tha tak min rawn ziahsak tu hi Nula Lalrimawii Nuhrim, Aptech Computer Education, Shillong a Diploma In Software Management student a ni. He Article vek hi Shillong LCF Weekly Newspaper "El Shadai" ah chhuah a ni tawh a, ngen nawn na avangin kan han publish tha leh a ni e. email her at rii1@rediffmail.com Articles huang a chhuah duh nei chuan fel taka type sa in, hming leh adress nen chinzah@yahoo.com ah hian in lo thon dawn nia, review committee in a en zawh hnu ah in articles te chu publish thin a ni ang.
Site Last Updated : Sunday The 14th October 2001 |
